Díli, 08 Setembru 2026 – Institutu Nasional Siénsia no Teknolojia (INCT, sigla iha portugés), liu husi Prezidente Konsellu Ezekutivu INCT, Dr. José Cornélio Guterres, partisipa iha serimónia solene “Tomada de Posse” ba Magnífiku Reitór Universidade de Díli (UNDIL), ba mandatu foun tinan akademiku 2026 to’o 2031, ne’ebé hala’o iha Auditóriu UNDIL, Díli, Timor-Leste.
Iha serimónia ne’e, Dr. José Agostinho da Costa Belo Pereira, S.IP., S.H., M.M., simu ofisialmente kargu nu’udar Magnífiku Reitór UNDIL, ba mandatu dala tolu (3), ba períodu fulan Agostu tinan 2026 to’o fulan Jullu tinan 2031. Nomeasaun ida-ne’e hetan fiar no konfiansa husi Fundasaun BOAKRIL, Entidade Fundador sira no Gestora Universidade Díli (UNDIL).
Serimónia “Tomada de Posse” ne’e mós, hetan testamuña husi autoridade lokál, reprezentante instituisaun governu kompetente sira, dosente, Senadu Jerál no Senadu Fakuldade UNDIL.
serimónia ne’e hetan partisipasaun husi: reprezentante Sua Excelénsia Ministru Ensinu Superior, Siénsia no Kultura (MESCC), liu husi Diretór Jerál MESCC, Sr. Domingos Barros; Diretór Ezekutivu ANAAA, Dr. Nilton Diamantino Paiva Mau, Prezidente Konsellu Ezekutivu INCT, Dr. José Cornélio Guterres, reprezentante Fundasaun BOAKRIL, Autoridade Lokál, Seguransa PNTL, Dosente, Senadu no estudante sira.