Díli, 10-11 Maiu 2026 – Institutu Nasionál Siénsia no Teknolojia (INCT, sigla iha portugés), liu husi Diretór Nasionál Siénsia Exatas no Naturais INCT, Sr. Valente Ferreira, hamutuk ho Investigador Prinsipál Nasionál no Internasional, hahu rekolla dadus iha Postu Administrativu tolu (3), munisipiu manatuto nian.
Objetivu prinsipál maka, enkontru ho Prezidente Autoridade Munisipiu (PAM) Manatuto no diresaun relevante sira, nomos enkontru ka entrevista, observa no rekolla dadus iha Suku tolu (3) maka hanesan: Suku Kairui, Postu Administrativu Laleia, Munisipiu Manatuto; Suku Kribas, Posto Administrativu Manatuto, Munisipiu Manatuto no Suku Laklo, Posto Administrativu Laklo, Munisipiu Manatuto. Atu nune’e, hodi haforsa ba peskiza sientífika ekonomia verde, ne’ebé maka INCT realiza iha tinan ida ne’e, hamutuk ho Investigadór Prinsipál Nasionál no Investigadór Internasional Universidade Udayana Indonesia, ho títulu peskiza: “Estudo para o Desenvolvimento Modelos Irrigação por Cada Município em Timor-Leste”, ne’ebé sei hala’o iha munisipiu ne’en (6), maka hanesan: Manatutu, Aileu, Viqueque, Manufahi, Ainaro, no Díli.
Vijita ne’e, hetan partisipasaun maximu husi, Diretór Nasionál Siénsia Exatas no Naturais INCT, Sr. Valente Ferreira, reprejentante PAM Manatuto, Autoridade lokal Munisipiu Manatuto nian, Investigadór Prinsipál Nasionál, Dr. Benjamin Hoffer Martins ho ekipa, Investigadór Prinsipál Internasional, Prof Dr. Ir. Ni Made Trigunasih, ho Prof Dr. Ir. Nyoman Rai, nomós ekipa teknika INCT.