Díli, 24 Maiu 2024 – Prezidente Konsellu Jerál Institutu Nasional Siénsia no Teknolojia (INCT), Sua Excia. Ministru Ensinu Superior Siénsia no Kultura, Dr. José Honório da Costa Perreira Jerónimo prezide reuniaun Konsellu Jerál extraordináriu ba Daruak nian iha sala enkontru Knua ba Siénsia-INCT, Balide.
Objetivu hosi sorumutu ne’e hodi diskute ajenda hanesan aprovasaun sorumutu daruak konsellu jeral, apresiasaun no aprovasaun minuta enkontru dahuluk nian, aprezentasaun pareser tékniku kona-ba relatóriu finanseiru ba atividades tinan fiskal 2023 INCT hosi II Vise-Prezidente Asuntu Administrasaun no Finanasas, Dr. Augusto da Conceição Soares no aprezentasaun hosi Prezidente Konsellu Ezekutivu INCT, Dr. José Cornélio Guterres hodi relata kona-ba pontu situasaun balun ba atividades INCT.
Enkontru ne’e hetan partisipasaun hosi Membru Konsellu Jerál nomeadamente I Vise Prezidente Konsellu Ezekutivu INCT, Dr. Valentim Ximenes, Dr. Carlito Mali Code, Dr. Xisto Martins, Dr. Feliciano, Dr. Alberto C. Araújo, Asessora Jurídika Sra. Paula Ferreira no tékniku sira seluk.