Iha loron 9, fulan fevereiru tinan 2022, Institutu Nasionál Siênsia no Teknolojia (INCT, sigla iha Português) loke konkursu ba atribuisaun fundu ba projetu investigasaun sientífika ba tinan fiskal 2022. Total rua nulu resin tolu (23) Proposta Investigasaun (Estudu) ba públiku, iha área oin-oin. Prazu ba formalizasaun kandidatura entre loron 9 to’o 28 fevereiru.
Bele kandidata ba projetu investigasaun sientífika profesor sira, investigador sira no espesialista iha respetiva área sientífika, ho nasionalidade timorense ou internasional asosiadu ho investigador ho nasionalidade timorense (ne’ebé hola parte ba ekipa investigasaun), preferensialmente asosiadu ho universidade sira, fakuldade sira, instituisaun estatal ho natureza sientífika ka empreza ligada ho I&T iha Timor-Leste. Ba informasaun detallu, interesadu sira bele konsulta anúnsiu konkursu ho aneksu tolu iha LINK.
Link 1: Anúncio de Projetos de Investigação Científica INCT 2022
Link 2: Anexo I – (PDF) Linhas de Pesquisa e Propostas de Investigação INCT 2022
Link 3: Anexo II – (PDF) Guião de Preenchimento – Instruções e Exemplos
Link 4: Anexo III (WORD) – Modelo de Proposta de Investigação 2022
Instrusaun hodi Konkore
Rekomenda atu halo leitura ba instrusaun sira ne’e hafoin elabora ita bo’ot sira nia Proposta Investigasaun. Rekomenda mos atu halo leitura Anúnsiu Konkursu ba Atribuisaun Fundu ba Projetu Investigasaun Sientífika INCT 2022.
1ª Etapa – Dokumentu Nesesáriu sira hodi priense Modelu Proposta Investigasaun:
Atu priense modelu Proposta Investigasaun, obrigatoriamente tenke iha dokumentu sira hanesan tuir mai ne’e:
- Anúnsiu Konkursu ba Atribuisaun Fundu ba Projetu Investigasaun Sientífika INCT 2022;
- ANEKSU I – Liña Peskiza no Proposta Investigasaun INCT 2022;
- ANEKSU II – Guiaun Priensimentu Proposta Investigasaun – Instrusaun no Ejemplu;
- ANEKSU III – Modelu Proposta Investigasaun INCT 2022.
2ª Etapa – Aspetu Tékniku sira:
- Dokumentu ne’ebé konsta iha ita bo’ot sira nia kandidatura, hamutuk ho dokumentu sira seluk ejijidu iha anúnsiu ANEKSU III – Modelu Proposta Investigasaun INCT 2022, tenke priense kedas. La presiza atu tau hamutuk aneksu sira seluk iha ita bo’ot sira nia kandidatura.
- Tamba kestaun transparênsia no interpretasaun di’ak ba informasaun, obrigatoriu tenke priense Modelu Proposta Investigasaun ho komputador, rekomenda atu utiliza programa Word, Microsoft Office ka programa seluk ne’ebé similar ho tipu letra Times New Roman, Cambria, Calibri, Arial ou Palatino Linotype, tamañu 12, espasamentu entre liña 1.5, textu justifikadu. Títulu sira tenke konfigura ho tamañu 14, negritu no subtítulu ho tamañu 12, negritu.
3ª Etapa – Prensimentu:
- Rekomenda atu hare instrusaun no ejemplu sira iha ANEKSU II – Guiaun Prensimentu Proposta Investigasaun antes priense modelu ne’e.
- Iha pontu n° 1 Proposta Investigasaun, tenke hakerek referênsia proposta estudu ne’ebé ita bo’ot sira pretende atu dezenvolve. Ba ida ne’e, tenke konsulta ANEKSU I – Liña Peskiza no Proposta Investigasaun, analiza proposta estudu hotu-hotu no insere referênsia tuir ho estudu ne’ebé ita bo’ot sira pretende atu elabora. Rekomenda atu hare instrusaun no ejemplu sira iha ANEKSU II – Guiaun Prensimentu Proposta Investigasaun.
- Iha Pontu n° 2 Proposta Investigasaun, tenke insere tema estudu ne’ebé pretende atu elabora. Ba ida ne’e, tenke konsulta ANEKSU I – Liña peskiza no Proposta Investigasaun, analiza proposta estudu hotu-hotu no insere tema estudu ne’ebé pretende atu elabora. Indika atu propor alterasaun ruma ho tema. Rekomenda atu hare instrusaun no ejemplu sira ne’e iha ANEKSU II.