Dili, 9 Juñu 2021, Instituto Nasional Siensia no Teknologia (INCT) halao enkontru ho Instituto Nasional Formasaun ba Dosentes Profesionais Edukasaun (INFORDEPE) konaba extende edifisiu nebe mak durante ne’e INCT uja iha fatin INFORDEPE nian. Objetivu husi enkontru ne’e atu asina akordu utilizasaun edifisiu INFORDEPE ba INCT durante tinan rua.
Iha enkontru ne’e hahu introdusaun husi Presidente Konsellu Exekutivu INCT, Dr. José Cornélio Guterres nia hateten iha sorumutu ne’e parte rua mai hamutuk atu asina akordu ba utilizasaun edifisiu INFORDEPE ba INCT ne’e hanesan ajudus ida nebe’e valor bot tebes, ami agradese tebes tanba uja edifisiu ne’e desde 2016 bainhira kuando muda husi edifisiu vilaverde, tuir los INCT nia kontratu uja edifisiu ne’e remata ona iha 2019, maibe nafatin fo kontinuasaun ba INCT.
Depois introdusaun husi Presidente Konsellu Exekutivu INCT, hato’o mos breves palavras husi Presidente INFORDEPE, Sr. Manuel Gomes seremonia ida ne’e hanesan kontinuanidade husi akordu nebe’e mak iha nanis ona ba uja fasilidade INFORDEPE nian atu instala INCT iha fatin ida ne’e, ba INFORDEPE laiha protestaun ruma ba edifisiu ne’e, Imprisipiu ita hotu-hotu servisu diak ba dezenvolvimentu edukasaun iha Timor-Leste, tanba INCT mos parte ida nebe’e importante teb-tebes atu bele deskobre lakunas hirak nebe’e ita persija hadia atu dezenvolve nune’e ita bele eleva kualidade iha Timor-Leste liu-liu ba konesimentu siensia no teknologia.
Enkontru ne’e realiza iha sala edifisiu INFORDEPE no partisipa husi Vise Presidente Konsellu Exekutivu INCT, Vise Presidente INFORDEPE, Diretor INFORDEPE, Chefe Departamento INFORDEPE, Asesora INFORDEPE, Asesora INCT no Fungsionariu Tekniku sira.