Dili, 27 Maiu 2021, Hafoin liu ona husi faze inisial selesaun dokumentus (proposta) ba konkursu peskiza sientifiku tinan 2021, nebe’e submete husi konkorentes peskizadores husi Instituisaun Ensinu Superior ba Instituto Nasional Siénsia no Teknologia (INCT), maka hahu iha loron segunda, 17 to’o 26 Maiu 2021, konkorentes peskizador dosente hahu aprezenta sira nia proposta peskiza ba Doutoradus Avaliadores.
Aprezentasaun ne’e halao iha sala reniaun INCT.INCT hanesan institusaun ida nebe’e hari’i ho nia papel importante ida atu promove peskiza sientífika puru nomos aplikada. Nune’e iha tinan 2021 loke konkursu peskiza sientifiku ne’e hanesan programa xave husi institusaun ne’e rasik.
Antes konkorentes peskizador sira halo sira nia aprezentasaun ba sira nia proposta peskiza, Vise Presidente I Doutor Afonso de Almeida hato’o iha nia introdusaun hateten Instituto Nasional Siénsia no Teknologia (INCT), tinan-tinan lansa proposta peskiza ba kandidatu sira nebe’e interesadu atu halo peskiza bele submete ninia proposta peskiza nebe’e maka finansia husi INCT.
Vice Presidente hatutan tan, asuntu Peskiza Sientifiku, parseiru no kooperasaun internasionais ne’e salienta liu tan katak proposta peskiza sira ne’e sei liu husi prosesu avaliasaun ida nebe’e rigorosu oitoan antes institusaun ne’e rasik finansia.
Objetivu husi finansiamentu ne’e atu promove no motiva inverstigadores timor oan sira para bele halo peskiza liu-liu atu bele halo publikasoens. Final husi peskiza sira ne’e hotu tenki termina ho publikasoens, ne’e hanesan objetivu husi INCT nia missaun. Publikasoens sira ne’e atu internasionaliza mos institusoens superiores Timorense ba liur nune’e mos investigadores sira. Tanba ne’e maka proposta peskiza sira hotu tenki iha kualidade nune’e tenki liu husi prosesu avaliasaun.
Avaliador ka painel juri nebe’e avalia ba proposta peskiza sientifíku tinan 2021 ne’e maka hanesan: (1) Área Ekonomi; João Mariano Saldanha, Ph.D, Doutor Manuel F. de Canossa Vong, Vicente de Paulo Correira, Ph.D, (2) Área Edukasaun; Doutor Samuel V. de Sousa Freitas, Doutor Manuel Brito, DR. Edio da Costa, no DR. Cancio Monteiro; (3) Área Agrikultura; Edmundo Viegas, Ph.D, DR. Domingos B. Caeressi, Claudino Ninas Nabais, Ph.D, Doutora Therese N. N. T. P. Tam, no (4) Área Sosial; João Maria dos Reis C. Noronha, Ph.D, DR. Prudencio da Silva, Doutor José Antonio Lourenço, no DR. Fernando Dias Gusmão. Aprezentasaun ne’e akompanha husi INCT nudar koordenador ba aprezentasaun proposta peskiza sientifiku husi INCT maka Doutor Afonso de Almeida no DR. Augusto da Conceição Soares.Konkorentes peskizador sira nebe’e aprezenta sira nia proposta peskiza mai husi Instituisaun Ensinu Superiór Públika no Privada iha Timor laran nomos peskizadores balun mai hanesan Individual.