Dili, 18 de Outubro de 2019
Iha loron 17 de Outubro 2019, Instituto Nacional de Ciência e Tecnologia (INCT) halao workshop ida ho tema “Difundir o INCT e Promover a Pesquisa Ciêntifica Como Fator Chave Para o Desenvolvimento da Ciência, Tecnologia e Inovação em Timor-Leste”. Workshop ne hola fatin iha salaun IAN MARTIN, INFORDEPE, Balide, Dili.
Objetivu husi workshop ne’e atu divulga informasaun ba publiku sobre INCT inklui instutuisaun nia papel no funsoens hanesan jestor ba peskiza iha Timor-Leste.
Iha okaziaun ida ne’e mos INCT halibur Reitor, Dosentes
no Estudantes sira oinsa atu halo peskiza cientifico nebe’e diak no kualidade.
Workshop refere hetan partisipasaun maximu husi Reitor, Dosentes no Estudantes
sira nebe’e halao kna’ar iha universidade sira iha Timor-Leste. Iha oradores
principal nain tolu maka kolia iha workshop ne’e, depois de Presidente INCT,
Dr. José Cornélio Guterres hato’o diskursu abertura no aprezenta estatuto INCT
nian.
(1) Dr. Edmundo Viegas, Secretario Executivo ANAAA, kolia
kona ba papel ANAAA garantia kualidade Ensino Superior Timor-Leste.
(2) Dr. Samuel Brito, Presidente INFORDEPE no Dekano UNTL, koalia kona ba
importansia pesquisa iha vida akademika.
(3) Dr. Afonso Almeida, Vise Presidente INCT Kolia kona ba guiao proposta
pesquisa no juri de avaliasaun ba proposta pesquisa.