Dili, 21 de Agostu de 2019
Instituto Nacional de Ciências e Teknologia (INCT), hetan vizita husi tekniku Ajénsia Tecnologia da Informação e Comunicação (TIC) Timor I.P hodi survei infrastutura ICT iha escritorio INCT.
Hanesan nesesidade servisu nebe’e as, tanba papel bot INCT hanesan sentru ba Peskiza Sientífiku, entaun INCT persija iha rede Internet, Server, Website no Repositorio Elektroniku yodo halao nia servisu.
Ho ida ne’e TIC Timor I.P prontu atu suporta INCT iha area ICT, hanesan instala Rede Internet, Server, Website no Repositorio Elektroniku, antes atu instala sistema hirak ne’e hotu ekipa tekniku husi TIC Timor I.P halo survei ona iha eskritorio INCT, nune’e iha tempo badak, TIC Timor I.P sei halo proposta ba material ekipamentus sira ne hotu wainhira atu dezenvolve rede Internet, Server, Website no Repositorio Elektroniku.
Hetan partisipasaun husi Presidente do Concelho Executivo do INCT, Dr. José Cornélio, Vise Presidente INCT, Dr. Afonso de Almeida, Secretaria Executiva INCT, Dra. Maria Elsa Diogo Correia, Bernardina Lay, Technical Writer Officer TIC Timor I.P, Francisco Ximenes, Data Center Officer TIC Timor I.P, Geovanio Vinhas, Software Development TIC Timor I.P.