Dili, 26 Juñu 2020, Instituto Nacional de Ciências e Tecnologia (INCT) halao wokshop ida ho tema “Haforsa Kapasidade Rekursu Umanu Internal Hodi Garante Kualidade Dezenpenhu Institusional INCT” iha sala enkontru edifisiu INCT. Objetivu husi workshop ne’e, atu haforsa kapasidade rekursu umanu iha INCT nune’e, wainhira INCT sai hanesan instituisaun autonomia ida, bele preparadu hodi jere rasik nia patrimonia, administrasaun no finanseira.Workshop ne’e abertura husi Presidente Konsellu Executivo INCT, Dr. José Cornélio Guterres, liga ba tema iha leten nia hateten katak INCT persija tebes Instituisaun orgaun autonomia sira atu fahe esperensia balun ba iha funsionario INCT atu nune’e iha futuro INCT mos bele sai hanesan instituisaun orgaun autonomia ida nebe’e preparadu. Iha okaziaun ne’e, presidente INCT mos hato’o nia agradesimentu ba Ministeiro Ensino Superior, Ciência e Cultura (MESCC) no instituisaun orgaun autonomia sira nebe’e mak disponivel ho fuan bot hakarak atu fahe sira nia esperensia ba iha INCT.Iha wokshop ne’e rasik halao durante loron rua no involve oradores sira husi Ministeiro Ensino Superior, Ciência e Cultura (MESCC), Unidade Planeamento, Monitorização e Avaliação (UPMA), Agencia Nasional de Avaliação Acreditação Academica (ANAAA) no Fundo de Desenvolvimento do Capital Umano (FDCH), hanesan: Direitor Executivo ANAAA, Sr. Edmundo Viegas, Diretora Executiva FDCH, Sra. Leila M. L. Carceres, Direitor Jeral Finansas MESCC, Hernani Viterbo Soares, Assesor UPMA, Sr. Deonisio dos Santos, Direitor Nacional Administrasaun e Finansas MESCC, Sr. Droaldo Ferdinandes Morais, Direitor Aprovisionamentu MESCC, Sr. Baptista da Silva, Cordenador Administrasaun Finansas FDCH, Sra. Josefina do Nascimento, Oficial Servisu Administrasaun no Finansas ANAAA, Sra. Ivana de Jesus, Coordenador Interina Administrasaun no Rekursu Umanu ANAAA, Sra. Dirce Belo no Coordenador Gabinete Aprovisionamentu no Logistika ANAAA, Sr. Julio Soares.