Díli, 27 Outubru 2026 – Institutu Nasionál Siénsia no Teknolojia (INCT, sigla iha Portugés), liu-husi; Prezidente Konsellu Ezekutivu INCT, Dr. José Cornélio Guterres, partisipa iha serimónia Abertura Programa Formasaun Garantia Kualidade Rede Universitáriu ASEAN (AUN-QA), ne’ebé hala’o iha Maubara Room, Timor Plaza, Díli, Timor-Leste.
Atividade ba formasaun ne’e, organiza husi Ministériu Ensinu Superiór Siénsia no Kultura (MESSC, sigla iha portugés), ne’ebé abertura ba serimonia ne’e, husi Diretór Geral Ensinu Superiór, Siénsia no Kultura, Sr. Alcino Barreto João, akompaña mos husi Koordenadór CUIS, Dr. Edmundo Viegas no Dr. Yu Un Oppusunggu, nu’udar Membru Konsellu no Treinadór Prinsipál, Rede Universitáriu ASEAN-Garantia Kualidade (AUN-QA).
Formasaun ne’e, sei hala’o durante loron tolu (3), hahú husi loron, 27 to’o 30 fulan outubru, ho objetivu; atu hametin koñesimentu no kapasidade instituisaun ensinu superiór sira iha Timor-Leste, kona-bá; Implementasaun Sistema Garantia Kualidade iha Ensinu Superiór.
Instituisaun ensinu superiór ne’en (6), ne’ebé partisipa iha programa formasaun ne’e maka: Universidade da Paz (UNPAZ), Universidade Dili (UNDIL), Universidade Oriental de Timor Lorosa’e (UNITAL), Instituto de Ciências da Saúde (ICS), Instituto Profissional de Canossa (IPDC) no Instituto de Ciências e Formação Profissional (ICFP).