Ainaro, 14 Outubru 2026 – Institutu Nasional Siénsia no Teknolojia (INCT, sigla iha portugés), liu husi Investigador Nasional, ne’ebé mak lideradu husi: Koordenador, Dr. Rui Augusto Gomes, akompaña husi ekipa INCT, realiza atividade faze daru’ak, ba projetu peskiza; Eradikasaun Pobreza, ho títulu: “Study on the Development and Implementation of Solutions for Poverty Eradication in Timor-Leste”, iha munisípiu Ainaro.
Objetivu prinsipal husi faze daru’ak, ba projetu refere maka: atu halibur dadus kualitativu liu husi, “Focus Group Discussion (FGD)” nomós intervista semi-estruturadu, nune’e bele inkorpora mós perspetiva husi: autoridade relevante munisípiu Baukau, Xefe Suku, grupu jovem, grupu intelektual, Veteranus, EHD nomós benefisiáriu programa sosial, hodi bele produz evidénsia sientífika ne’ebé forte.
Peskiza refere, konsidera hanesan; etapa ne’ebé, importante hodi kompleta dadus ba survey kuantitativu, ne’ebé mak INCT, liu husi investigador nomós enumerador nasional sira, realiza ona iha loron 13 – 16 Jullu 2026, iha munisípiu Ainaro. Enkuantu peskiza ne’e rasik, abranje mós ba munisípiu Baukau no Ermera.
Marka mós prezensa iha atividade refere, INCT liu hosi: Pontu Fokal Peskiza INCT, Sra. Agezisa Maria da Costa no Tekniku Apoiu Aprozionamentu, Sr. Marquito Julio Almeida, hamutuk ho ekipa peskizador sira.
Atividade ne’e hetan partisipasaun no kolaborasaun di’ak husi: Prezidente Autoridade Munisipal Ainaro, Sra. Manuela Georgina Carmo Bucar Corte Real, Xefe Suku, reprezentante grupu intelektual, reprezentante juventude no reprezentante benefisiáriu programa sosial sira.