Díli, 31 Jullu 2026 Institutu Nasional Siénsia no Teknolojia (INCT, sigla iha portugés), organiza atividade “Focus Group Discussion (FGD)” ho tema: “Maritime Tourism Route Development and Strategic Port Connectivity Planning in Support of the Blue Economy in Timor-Leste.”
Objetivu husi atividade ida ne’e, atu fó oportunidade ba reprezentante husi ministériu, instituisaun governu, parseiru dezenvolvimentu, akademia, setor privadu no peskizadór sira atu fahe hanoin, esperiénsia no rekomendasaun sira, kona-bá dezenvolvimentu rota turizmu marítimu, konektividade estratéjika entre portu sira, no oportunidade atu promove implementasaun Blue Economy iha Timor-Leste.
Hanesan parte husi implementasaun peskiza, ekipa investigador sira, hala’o ona rekolla dadus iha munisípiu Lautém (Lospalos), Baucau, Manatuto, Dili no RAEOA/Oecusse. Dadus ne’ebé rekolla sei analiza hamutuk ho rezultadu husi diskusaun iha FGD atu produz rekomendasaun sientífika ne’ebé bele suporta formulasaun polítika públika no planu dezenvolvimentu sustentável ba setor turizmu marítimu no ekonomia azul iha Timor-Leste.
Atividade FGD ida ne’e hetan partisipasaun masimu husi: Vise-Prezidente I Konsellu Ezekutivu INCT, Dr. Valentim Ximenes, Sekretaria Ezekutiva INCT, Dra. Maria Elsa Diogo Correia, Diretora Nasional INCT, Investigador Prinsipal Nasional, Dr. Mário Marques Cabral, Dr. Feliciano Quintas do Céu, ho ekipa, Investigador Prinsipal Internasional, Prof. Dr. Drs. I Nyoman Sunarta, Ir. Moh. Saifulloh, Secretario Municipál Administrasaun Planeamento, Investimento e Dezenvolvimento Integrado da Autoridade Municipio Díli, Sr. Filomeno Maria da Silva Smith, Diretor DNTM, SR Helder P.M. de Carvalho, Vice-Presidente ATTL.IP, Sr. Idelfonso da Silva, Diretór Nasional ba Ambiente ANLA, Sr. Antonio Lelo Tasi, APORTIL.IP, MTA, AMD, CTL, DDA,SEAMORE.
