Díli, 31 Jullu 2026 – Institutu Nasional Siénsia no Teknolojia (INCT, sigla iha portugés), liu husi Diretor Nasional Siénsia Exatas no Naturais INCT, Sr. Valente Ferreira, hamutuk ho Investigador Prinsipal Nasional no Internasional, hala’o enkontru ho Diretor Jeral Komersiu no Diretor Jeral Industria iha Ministeriu Komersiu Industria (MCI, sigla iha portugés), iha salaun DGC-MCI no salaun DGI-MCI Dili, Timor-Leste.
Objetivu prinsipal husi enkontru refere maka, hodi ko’alia kona-bá peskiza sientífika ekonomia verde, atu esplora no rekolla dadus relevante husi diresaun relevante, hodi haforsa ba peskiza sientífika ekonomia verde, ne’ebé maka INCT realiza iha tinan ida-ne’e, hamutuk ho Investigador Prinsipal Nasional no Investigador Internasional husi universidade Udayana Indonesia. Titulu ba projetu peskiza sientífiku ne’e maka: “Estudo para o Desenvolvimento Modelos Irrigação por Cada Município em Timor-Leste”, ne’ebé hala’o ona iha munisipiu ne’en (6), maka hanesan: Manatutu, Aileu, Viqueque, Manufahi, Ainaro, no Díli.
Enkontru ne’e, hetan partisipasaun maximu husi: Diretor Nasional INCT, Sr. Valente Ferreira, Investigador Prinsipal Nasional, Dr. Benjamin Hoffer Martins ho ekipa, Investigador Prinsipal Internasional, Prof Dr. Ir. Ni Made Trigunasih ho Prof Dr. Ir. Nyoman Rai, nomos Diretor Jeral Komersiu – MCI, Sr. Elias de Jesus.