Díli, 18 Setembru 2024 – Institutu Nasionál Siénsias no Teknolojia (INCT, sigla iha Português), hetan vizita husi delegasaun Badan Riset dan Inovasi Nasional (BRIN) Dr. Edy Giri Rahman Putra, Deputy Chairman for Human Resources of Science and Technology; Dr. Sasa Sofyan Munawar, Director of Competency Development; Dr. Raden Arthur Ario Leleno, Director of Talent Management, ne’ebé simu direta husi Konsellu Ezekutivu INCT, Diretores Nasionais INCT no ekipa tékniku sira husi INCT iha edifisiu INCT, Balide, Díli. Objetivu atu diskute kona-ba Repozitoriu Sientífiku Nasionál, International Standard Serial Number (ISSN), Degree by Research (dbr), Join Research, Mobility Researcher, no área seluk tan.
Iha sorumutu ne’e, Prezidente Konsellu Ezekutivu INCT Dr. José Corneélio Guterres hato’o agradese ba delegasaun husi BRIN ba vizita iha INCT no kontinua hala’o kooperasaun servisu ho INCT. Prezidente Konsellu Ezekutivu INCT hatutan tan katak INCT respeita tebes ba atensaun no komitmentu ne’ebé fó liu husi hametin relasaun servisu entre INCT no BRIN.
Dr. Edy Giri Rahman Putra mos hato’o agradese no kontenti tebes ho resepsaun husi ekipa INCT. Iha biban ne’e, Dr. Edy Giri mos fó konhese Dr. Sasa no Dr. Arthur ne’ebé iha area espesializada iha ‘capasity building Programmer iha BRIN’, ida-ne’e importante duni la’ós de’it ba sivitas BRIN, la’os de’it iha nasionál, maibé dezenvolve ona iha internasionál. BRIN halo transformasaun ba programa internal sira iha BRIN, ba iha stackholder laos iha nasionál deit, maibé iha rejionál no sei dezenvolve ba iha internasionál. BRIN sei prepara programa sira ne’ebé bele utiliza husi estudante internasionál sira, ida-ne’e maka ami nia estátika ida iha BRIN kona-ba oinsá ami bele hametin kolaborasaun ho nasaun sira seluk bazeia ba peskiza.
Iha sorumutu ne’e, ekipa delegasaun BRIN hala’o vizita ba edifisiu foun ne’ebé hari’i ba repozitóriu, hodi hatene klean prosesu preparasaun INCT ninian iha parte hari’i infrastrutura ba Repozitóriu Sientífiku Nasionál.
Sorumutu ne’e hetan partisipasaun hosi Presidente Konsellu Ezekutivu INCT Dr. José Cornélio Guterres, I Vise-Presidente Konsellu Ezekutivu INCT Dr. Valentim Ximenes, II Vise-Presidente Konsellu Ezekutivu INCT Dr. Augusto da Conceição Soares, Sekretária Ezekutiva INCT Dra. Maria Elsa Diogo Correia, Diretor Nasionál Siénsia Sosiais no Umana Dr. Leonel da Costa Xavier, Diretor Nasionál Siénsia Ezata no Naturais Dr. Valente Ferreira, Diretora Nasionál Siénsia Teknologia no Inovasaun Dra. Jacinta dos Santos Guterres, Xefe Unidade Katalogasaun no Repozitóriu Digitál Sra. Maria José Almeida da Costa Gonçalves, Investigador Internasionál Dr. Filipe Abraão Couto no ekipa tékniku husi INCT.