Dili, 27 Agostu 2020, Instituto Nacional de Ciências e Teknologia (INCT) halao workshop seminariu sientifiku ida ho nia tema “Dezafius Edukasionais Impoin Husi Pandemia COVID-19 iha Timor-Leste”. iha Auditórium Ministériu Transporte e Komunikasaun (MTC), Rua Bispo de Madeiros, Caicoli, Dili.Seminariu ne’e abertura hosi Presidente Konsellu Exekutivu Instituto Nasional Siênsia no Teknolojia (INCT), Dr. José Cornélio Guterres, hateten seminariu sientífiku ne’e ho objetivu atu partilha hanoin ba malu, dezafius Ensinu distansia iha nivel baziku, sekundariu no ensinu superior impaktu hosi COVID-19. Nune’e mós iha seminariu ida ne’e bele hamosu metodu ensinu ida adaptivu no adekuadu ba COVID-19 ne’ebe to’o bainhira bele remata. Alende ne’e, Presidente Konsellu Exekutivu INCT mos hateten seminariu no debate sira ne’e nudar parte ida hosi programa prinsipal tolu INCT nian iha tinan 2020 mak hanesan: (1) Promove Peskiza, Dezenvolvimentu no Inovasaun iha area estratejiku sira, (2) Kriasaun kuadrus legais hodi regula lalaok peskiza sira, (3) Konsolida sistema nasional siênsia no teknologia iha Timor-Leste. Iha parte ne’e seminariu no debate hanesan parte ida hosi konsolidasaun sistema siensia no teknolojia hodi kria sosiedade ida kritiku, hamosu rekomendasoens oi-oin atu hato’o ba parte kompetente sira foti desizoens nomos ba publikasoens sientifiku sira.Oradores sira nebe’e mak aprezenta iha semiáriu ne’e mak hanesan: (1) Dr. Armindo Maia, Ph.D., Ministru Edukasaun Juventude Desportu (MEJD), (2) Sr. António Verdial, Presidente Komisaun G-PN, (3) Doutór Acácio Cardoso, Presidente Institutu Politekniku Betanu (IPB), (4) Dr. João Mariano Saldanha, Presidente João Saldanha Institute (JSI), (5) Dr. Florindo Pereira, Reitor Universidade Oriental (UNITAL), (6) Dr. Augusto da Conceição Soares, Ph.D., Reitor Institute Of Bussines (IOB), (7) Dr. Agostinho Gonçalves, Presidente Fundasaun Cristal, (8) Dr. Deolindo da Cruz, Diretur Jeral Ensino Sekundário, MEJD.Semináriu ne’e partisipa husi Sua Excelência Ministru Edukasaun Juventude Desportu (MEJD), Sua Excelência Presidente Komisaun G Parlamento Nasional, Entidades Linha Ministeriais, Akademistas no Estudantes, Dirigentes husi Eskola Nivel Sekundária, Representante NGO no Representante CNJTL.