
Vietnam 13 – 15 Outubru 2026 – Institutu Nasionál Siénsia no Teknolojia (INCT, sigla iha portugés), liu-husi; Prezidente Konsellu Ezekutivu, Dr. José Cornélio Guterres, nu’udar mos Prezidente COSTI Timor-Leste, hamutuk ho delegasaun, partisipa iha ASEAN Committee on Science, Technology and Innovation (COSTI-90), ne’ebé realiza iha Da Nang, Vietnam.


Iha enkontru refere, fahe kada Sub-Komité mak hanesan: Board of Advisory, Subcommittee on Deep and Emerging Technologies (SC- DET), Sub-Committee on Biotechnology and Food Science (SC-BFS), Sub-Committee on Materials and Energy Technology (SC-MET) nomós Sub-Committee on Earth, Ocean and Space Sciences (SC-EOSS).

Delegasaun sira ne’ebé partisipa iha enkontru refere mak hanesan: Sekretária Ezekutiva INCT, Dra. Maria Elsa Diogo Correia, Diretores Nasionais INCT, Dra. Jacinta dos Santos Guterres nomós Sr. Benvindo Guterres, Pesquisador Dr. Matias Tavares nomós Dr. Junior Raimundo, Sekretariadu COSTI Timor-Leste, Sra. Helena Mafalda nomós Sra. Dulce Enda Pereira Pinheiro.


Objetivu husi partisipasaun iha enkontru COSTI 90 mak; atu reforsa komitmentu Timor-Leste ba Dezenvolvimentu Siénsia, Tekonolojia no Inovasaun, liu-husi kooperasaun rejionál ho Estadu membru ASEAN; reforsa kompriensaun kona-bá polítika, estratéjia, programa no inisiativa husi Estadu Membru ASEAN iha Kontextu Siénsia, Teknolojia no Inovasaun; Identifika área potensial ba kooperasaun entre Timor-Leste ho Estadu Membru ASEAN nomós kontinua promove peskizadores no Instituisaun peskiza sira Timor-Leste nian, iha nivel ASEAN.

Enkuantu enkontru refere, hala’o durante loron tolu entre; 13-15 Outubru 2026 iha Furama Hotel, Da Nang, Vietnam no hetan partisipasaun máximu husi Estadu Membru ASEAN.
