Díli, 12 Juñu 2026 – Institutu Nasionál Siénsia no Teknolojia (INCT, sigla iha portugés), liu husi Diretór Nasional Siénsia Exatas no Naturais INCT, Sr. Valente Ferreira, akompaña husi Ekipa Teknika Relasaun Externa no Administrasaun, Sra. Agostinha de Sousa, hamutuk ho Investigador Prinsipal Nasional no Internasional, hahu rekolla dadus ba projetu peskiza sientífika ekonomia verde, iha munisípiu Aileu.
Objetivu prinsipál husi atividade rekolla dadus ne’e, hodi observa direta, entrevista no rekolla dadus iha Munisipiu Aileu, kompostu husi; Seloi, Aisirimou no Erluli/Daisoli, hodi rekolla dadus peskiza liuhusi obsevasaun no entrevista. Atu nune’e, hodi haforsa ba peskiza sientífika ekonomia verde, ne’ebé maka INCT realiza iha tinan ida ne’e, hamutuk ho Investigadór Prinsipál Nasionál no Investigadór Internasional Universidade Udayana Indonesia, ho títulu peskiza: “Estudo para o Desenvolvimento Modelos Irrigação por Cada Município em Timor-Leste”, ne’ebé sei hala’o iha munisipiu ne’en (6), maka hanesan: Manatutu, Aileu, Viqueque, Manufahi, Ainaro, no Díli.
Peskiza ne’e hetan partisipasaun maximu husi, Ekipa INCT; Diretór Nasional Siénsia Exatas no Naturais INCT, Sr. Valente Ferreira; akompaña husi Ekipa Teknika Relasaun Externa no Administrasaun, Sra. Agostinha de Sousa; reprezentante PAM Aileu; Investigadór Prinsipál Nasionál, Dr. Benjamin Hoffer Martins ho ekipa; Investigadór Prinsipál Internasional, Prof Dr. Ir. Ni Made Trigunasih, ho Prof Dr. Ir. Nyoman Rai.
