Díli, 09 Maiu 2026 – Institutu Nasionál Siénsia no Teknolojia (INCT, sigla iha portugés), liu husi Diretora Nasionál Teknolojia Inovasaun INCT, Sra. Jacinta dos Santos Guterres, hamutuk ho Investigadór Prinsipál Nasionál no Internasional, hala’o enkontru ho Diretór Nasionál Transporte Marítima – MTC, Diretór Nasionál Dezenvolvimentu Turístiku, Prezidente Konsellu Administrasaun APORTIL. IP, Prezidente Autoridade Turizmu Timor – Leste (ATTL. IP), Prezidente Autoridade Munisipal Dili, Diretor Jerál Turizmu – MTCI, ne’ebé hala’o iha salaun enkontru MTC, DGT, APORTIL. IP, ATTL. IP no PAM Díli.
Objetivu prinsipal husi enkontru refere maka, hodi ko’alia kona-bá projetu peskiza sientífika Ekonomia Azul, hodi hare’e ba dezenvolvimentu ekonomia sustentável ba área turizmu Tasi iha Timor-Leste, atu buka informasaun no rekolla dadus relevánsia, liu husi liña ministerial husi diresaun relevante sira, ba atividade peskiza nian, hodi reforsa ba peskiza sientífika Ekonomia Azul, ne’ebé INCT realiza iha tinan ida-ne’e, hamutuk ho Investigadór Prinsipál Nasionál no Investigadór Internasional Udayana University Indonesia ho títulu peskiza “Estudo Internacional sobre Rotas Marítimas Turísticas na ASEAN”, ne’ebé sei hala’o iha munisipiu tolu (3) maka hanesan: Atauro, Oecusse no Lautem.
Enkontru ne’e hetan partisipasaun maximu husi Diretora Nasionál Teknolojia Inovasaun INCT, Sra. Jacinta dos Santos Guterres, Investigadór Prinsipál Nasionál Dr. Mário Marques ho ekipa, Investigadór Prinsipál Internasional Prof. Dr. Drs. I Nyoman Sunarta, ho Ir. Moh. Saifulloh, nomós Diretór Nasionál Transporte Marítima-MTC, Sr. Helder P. M. da Silva ho ekipa, Prezidente ATTL, I.P Sr. Virgílho Smith ho ekipa, Prezidente Konsellu Administrasaun APORTIL. IP, Sr. José Oliveira Leong ho ekipa, Diretor Jerál Turizmu – MTCI Sr. António da Silva ho ekipa, Prezidente Autoridade Munisipal Dili, Sr. Francisco dos Santos ho ekipa.
