Díli, 09 Maiu 2026 – Institutu Nasionál Siénsia no Teknolojia (INCT, sigla iha portugés), liu husi Diretór Nasionál Siénsia Exatas no Naturais INCT, Sr. Valente Ferreira, hamutuk ho Investigador Prinsipál Nasionál no Internasional, hala’o enkontru ho Diretór Nasionál Ministériu Agrikultura Pekuária Peska no Floresta (MAPPF, sigla iha portugés) no Diretor Nasionál Ministériu Obras Públikas (MOP, sigla iha portugés) iha salaun DNPE-MAPPF no salaun DGHU-MOP Dili Timor-Leste.
Objetivu prinsipál husi enkontru refere maka, hodi ko’alia kona-bá peskiza sientífika ekonomia verde, atu esplora no rekolla dadus relevante sira hanesan: topografia, ordenamentu teritóriu, husi diresaun relevante sira hodi haforsa ba peskiza sientífika ekonomia verde, ne’ebé maka INCT realiza iha tinan ida-ne’e hamutuk ho Investigadór Prinsipál Nasionál no Investigadór Internasional Udayana University Indonesia, ho títulu ba projetu peskiza sientífiku ne’e maka: “Estudo para o Desenvolvimento Modelos Irrigação por Cada Município em Timor-Leste”, ne’ebé sei hala’o iha munisipiu ne’en (6), maka hanesan: Manatutu, Aileu, Viqueque, Manufahi, Ainaro, no Díli.
Enkontru ne’e hetan partisipasaun maximu husi Diretór Nasionál INCT, Sr. Valente Ferreira, Investigadór Prinsipál Nasionál, Dr. Benjamin Hoffer Martins ho ekipa, Investigadór Prinsipál Internasional, Prof Dr. Ir. Ni Made Trigunasih, ho Prof Dr. Ir. Nyoman Rai, nomós Diretór Nasionál Peskiza no Estatistika – MAPPF, Eng. Sr Cesar da Cruz, Diretór Nasionál Irrigasaun no Gestaun Utilizasaun Agua – MAPPF, Sr. Jacinto V. Felipe Gama, Diretór Nasionál Agrikultura, Hortikultura no Protesaun Plantas – MAPPF, Sr. Lúcio Nuno, Diretór Geral Habilitasaun no Urbanismu – MOP, Sr. Domingos de J. Sequeira ho ekipa, Diretór Nasionál Planeamentu Peskiza no Dezenvolvimentu – MOP, Sr. Santino Barreto ho ekipa, Diretora Nasionál no Prevensaun Kontrolu Inundasaun – MOP, Sra. Juliana P. das Neves ho ekipa.