INCT HALAO AKORDU ASINATURA MEMORANDU ENTENDIMENTU HO ANAAA, I.P
Díli, 25 Juñu 2025 – Institutu Nasional Siênsia no Teknolojia (INCT, sigla iha Português) ofisialmente realiza asinatura Memorandu Entendimentu (MoU) no Memorandum of Agreement (MoA) ho Ajénsia Nasional ba Avaliasaun no Akreditasaun Akadémika, Institutu Públiku (ANAAA, I.P) iha sala konferensia INCT, Balide, Dili.
Objetivu husi seremónia asinatura Memorandu Entendimentu (MoU) no Memorandum of Agreement (MoA) ne’e maka kooperasaun entre INCT no ANAAA hodi halo peskiza hamutuk konaba “Taxa da Empregabilidade dos Graduadus em Timor-Leste ba Tinan 2025” ba programa estudu kursu Engenaria husi institusaun Ensino Superior 5 maka hanesan; UNTL, DIT, UNPAZ, UNITAL no UNDIL.
Presidente Konsellu Ezekutivu INCT iha nia intervensaun hateten katak ohin loron ida ne’e, ita selebra hamutuk seremonia asinatura Memorandu Entendimentu (MoU) no Memorandum of Agreement (MoA) husi institusaun rua ne’ebe sei reprezenta husi Presidente Konsellu Diretivu ANAAA, I.P no Direitur Ezekutivu ANAAA, I.P no Presidente Konsellu Ezekutivu INCT no I Vise Presidente Konsellu Ezekutivu INCT hodi servisu hamutuk halo peskiza konaba “Taxa da Empregabilidade dos Graduadus em Timor-Leste ba tinan 2025”. Hau hanoin asinatura ida ne’e alende hanesan prense kriteria administrativu liu-liu iha komprimisiu ida hodi ita bele produs rezultadu ida ho kualidade. Ne’ebe hau hanoin tuir los peskiza sira hanesan ne’e universidade sira maka tenke inisia maibe ANAAA inisia ida ne’e hamutuk ho INCT ne’ebe hau hanoin espera katak iha futuru universidade sira mos bele inisia ida ne’e. Tanba wainhira hanoin atu loke kursu ida tenke halo estudus ida, wainhira kuandu ita produs rezultadu ida ita mos tenke halo estudus ida hodi sukat ita nia forsa kurikulum ne’ebe ita hanorin.
Doutór Xisto Martins nudar Prezidenti Konsellu Diretivu ANAAA, I.P nia hateten hanesan ita hotu hatene katak papel ANAAA ninian laos det maka halo avaliasaun fo valor ba akreditasaun ba institusaun Ensino Superior sira liu-liu papel sira ne’ebe mak atu esplora potensia-potensia husi institusaun sira seluk ne’ebe iha esperensia no atu bele hadia kualidade iha Ensino superior ne’e rasik nune’e ita halo pareseira ho institusaun sira tantu nasional no internasionais sira hotu, hodi nune’e bele apoiu ita nia servisu ne’ebe maka hare liu ba área kualidade ninian. Ne’ebe ohin ita halo ona asaun konkreta ida entre ANAAA no INCT hodi halo peskiza konaba “Taxa da Empregabilidade dos Graduadus em Timor-Leste ba Tinan 2025” ne’ebe foka liu ba kursu engenaria.
