![](https://i0.wp.com/inct.gov.tl/wp-content/uploads/2024/06/IMG_2518.jpg?resize=819%2C546&ssl=1)
Díli, 21 Juñu 2024 – Institutu Nasionál Siênsia no Teknolojia (INCT, sigla iha Portugués), sexta-feira ne’e, simu delegasaun SEANNET Singapura, Brunei, Tailândia, Filipina no Indonésia hodi partisipa serimonia atividade Workshop Internasionál ba Investigasaun Sientífika ho título “The roles of Neighborhoods in the City’s Enviromental Sustainability” iha salaun INCT, Balide.
![](https://i0.wp.com/inct.gov.tl/wp-content/uploads/2024/06/IMG_3733-1.jpg?resize=819%2C546&ssl=1)
![](https://i0.wp.com/inct.gov.tl/wp-content/uploads/2024/06/IMG_3790-1.jpg?resize=819%2C546&ssl=1)
Koodenador SEANNET, Dra. Rita Padawangi iha nia intervensaun hatete, peskiza ne’e hala’o ona durante tinan tolu (3), nune’e ohin loron ami mai atu partisipa iha workshop hodi rona no hare ninia rezultadu husi Investigador sira. Iha ne’e kompostu husi akademiku, peskizador, artista (arte) no NGO sira. Ami hotu iha inisiativa kona-ba peskiza ne’ebe ekipa SEANNET iha Díli halo, ne’ebé ligadu ho komunidade sira, no ami mós bele aprende hosi ekipa SEANNET Dili nian.
Koordenadór Prinsipál SEANNET iha Timor-Leste, Prezidente Konsellu Ezekutivu INCT, Dr. José Cornélio Guterres hatete, ami nia workshop ne’e ami sei tun ba hodi partisipa iha atividade komunidade sira oinsa bele soe lixu ho di’ak bele utiliza akua mamuk hodi halo kadeira no botir nomos halao kompetisaun pinta ba labarik sira konaba ambiente komunidade.
Ami mós halo atividade reflorestasaun hamutuk ho komunidade sira iha Aldeia Arcoatum, Suku Aisiromou, Munisipiu Aileu hodi proteze ita nia ambiente. Alein de ne’e halo mos vizita hasoru S.E. Ministro Ensino Superior, Siénsia Kultura, Dr. José Hónorio da Costa Pereira Jerónimo hodi informa ba S.E Ministro ligadu ho peskiza ne’ebé SEANNET halo, nune’e kontinua mos, halo vizita ba fatin istoriku sira ba CNC, Museum Rezistensia no UNTL. Husi vizita ida ne’e ami kontinua konsentra fali iha Novo Turismo hodi halo fali aprezentasaun hodi rona sujestaun ka feedback husi delegasaun sira konaba peskiza refere.
Atividade sira ne’e hotu ikus taka ho closing dinner hodi fahe sertifikado apresiasaun ba enumerador, pontu fokal no pintores sira.