Díli, 15 Fevereiru 2024 – Koordenadora Southeast Asia Neighbourhoods Network (SEANNET) iha Singapura, Dra. Rita hala’o enkontru ho Koordenador Prinsipal SEANNET iha Timor-Leste, Prezidente Konsellu Ezekutivu Institutu Nasional Siênsia no Teknolojia (INCT), Dr. José Cornélio Guterres ho estrutura iha salaun enkontru INCT, Balide.
Objetivu hosi reuniaun ne’e hodi diskute kona-ba progresu peskiza ne’ebé durante ne’e hala’o iha Aldeia Moris Foun, Aldeia Fomentu I no II hosi Peskizador sira. Sorin seluk diskute mos preparasaun ba atividade fulan Juñu nian, iha ne’ebé INCT sei simu peskizador rua nulu resin hosi nasaun lima (5) hanesan Indonesia, Brunei, Singapura, Thailand no Vietnam.
Partisipa iha enkontru ne’e, I no II Vise-Prezidente Konsellu Ezekutivu INCT, Dr. Valentim Ximenes no Dr. Augusto da Conceição Soares, Sekretária Ezekutiva INCT, Dra. Maria Elsa Diogo Correia, Diretor Nasional, Xefe Departamentu, Peskizadora Dra. Hendriketa da Silva, Enumerador/a no tékniku sira.