Díli, 1 Fevereiru 2024 – II Vise-Prezidente Konsellu Ezekutivu Institutu Nasional Siênsia no Teknolojia (INCT), Dr. Augusto da Conceição Soares hamutuk ho Sekretaria Ezekutiva INCT, Dra. Maria Elsa D. Correia hala’o enkontru ho ekipa Badang Riset dan Inovasi Nasional (BRIN), liu-hosi plataforma Zoom Meeting.
Reuniaun ne’ebé hala’o iha salaun INCT ne’e hodi diskute kontinuidade formasaun Repozitoriu Dijital Nasional no International Standar Serial Number (ISSN) ba ekipa INCT. Antes ne’e ekipa tuir ona formasaun iha BRIN iha área hanesan Fó Koñesimentu Sistema Aplikasi ISSN, Instalasaun Sistema ISSN, Jestaun ISSN, Prátika Rejistrasaun ISSN no seluk tan.
Enkontru ne’e akompaña hosi Xefe Departamentu Polítika Planeamentu INCT, Sr. Calistro Correia, Tékniku Profisional Finansas, Sr. Tiago xavier no Tékniku Relasoens Externa, Sra. Agustinha de Sousa.