Díli, 16 Outubru 2023 – Institutu Nasional Siênsia no Teknolojia (INCT, sigla iha Português), segunda-feira ne’e, simu audiensia hosi reprezentante Universidade Warma Dewa Bali ho intuitu ba realizasaun asinatura memorandum entendimentu ho INCT iha área investigasaun sientífika nian.
Objetivu hosi asinatura MoU ne’e atu foka liu ba projetu investigasaun sientífika nian iha área Linguistika sira liu-liu kona-ba dialetu Tetum ne’ebé menus ko’alia ona hosi jerasaun foun ka hahú lakon ona. Iha sorin seluk mos atu halo interkambiu entre membru peskizador, atividade palestra, diskusaun no troka material akademika no publikasaun sira.
Hafoin asinatura MoU ne’e, realiza mos jantar konfraternizasaun ida entre instituisaun rua ne’e no marka prezensa mos hosi entidade sira seluk.