Díli, 3 Outubru 2023 – Prezidente Konsellu Jeral, Sua Excia. Ministru Ensinu Superior, Siênsia no Kultura, Dr. José Honório da Costa Perreira Jerónimo Prezide Primeira Reuniaun Extraordinariu Konsellu Jeral hamutuk ho Membru sira ho objetivu atu halo apresiasaun no aprovasaun Planu Asaun Anual INCT ba tinan fiskal 2024.
Iha intervensaun, Prezidente Konsellu Jeral, Dr. José Honório da Costa Perreira Jerónimo informa katak, tuir reuniaun Konsellu Ministru, deside ona pakote fiskal Orsamentu Jeral Estadu (OJE) 2024 ho montante Dollar Amerikanu Biliaun $ 1,6. Ho nune’e, sei iha alterasaun iha Ministériu barak no tetu fiskal ne’ebé sei aloka ba INCT husu atu koloka tuir programa Solisita mos atu Instituisaun tutelada sira atu partisipa hamutuk iha reuniaun ho Komisaun Revizaun Orsamentu hodi diskute hamutuk orsamentu ne’ebé prevê ona.
Iha aprezentasaun, II Vise-Prezidente Konsellu Ezekutivu INCT, Dr. Augusto da Conceição Soares hatete, tuir estatutu INCT, programa no orsamentu Institutu nian antes aprezenta iha Komisaun Revizaun Orsamentu, sei diskute uluk iha Konsellu Sientífiku no halo aprovasaun iha Konsellu Jeral ho objetivu atu hare programa sira ne’e ho detalladu nomos bele hetan rekomendasaun hosi membru sira.
Nune’e mos Prezidente Ezekutivu INCT, Dr. José Cornélio Guterres aprezenta Membru Konsellu Sientífiku na’in rua (2) Dra. Laurentina Barreto Soares no Dr. Carlito Mali Code hodi integra nu’udar Membru Konsellu Jeral.
Entretantu, iha reuniaun ne’e Prezidente Konsellu Jeral hamutuk ho Membru sira halo aprovasaun ba ajenda enkontru, aprovasaun ba Planu Asaun Anual INCT ba tinan fiskal 2024 no Membru Konsellu Jeral foun nain rua (2). Partisipa iha reuniaun ne’e Membru Konsellu sira hanesan I Vise-Prezidente Konsellu Jeral, Dr. Valentim Ximenes, Dr. Feliciano Quintas do Céu, Dr. Xisto Martins, Dr. Alberto C. Araújo, Dra. Célia Gusmão dos Santos no tékniku INCT.