Díli, 11 Jullu 2023 – Prezidente Konsellu Ezekutivu Institutu Nasionál Siênsia no Telnolojia (INCT, sigla iha Português), Dr. José Cornélio Guterres, partisipa iha Konferensia Sientífika ho tema “Dezenvolve Istória Komunidade hodi Hamosu Balansu Narrativa Istória” ne’ebe mak realiza husi Centro Nasional Chega! (CNC) iha salaun konferénsia Centro Nasional Chega!, Antigu Komarka Balide, Dili.
Objetivu prinsipal hosi konferensia sientífika ne’e atu hamosu diskusaun teorika no metodolójika kona-ba istoria peskiza komunidade nian hodi melloria implementasaun atividade komunidade ida iha istoria ida.
Iha konferensia sientífika ne’e, Prezidente Konsellu Ezekutivu INCT, Dr. José Cornélio Guterres hetan konvite hosi Centro Nasional Chega! (CNC) hodi partisipa hanesan orador iha eventu hodi aprezenta kona-ba Hato’o Lia Lo’os Liu-Hosi Ida-Idak nia Historia Luta: Proposta Metodu Peskiza ida ba istoria Komunidade, ligadu ho istoria badak kona-ba Luta Libertasaun Timor-Leste, konseitu komunidade, tipu komunidade no selesaun historiador (a) sira no metodu peskiza istoria no nia dezafiu sira.
Partisipa iha konferensia sientifika ne’e Ministru Edukasaun Superior, Siênsia no Kultura, Sr. José Honório da Costa Pereira Geronimo, Direitor CNC, Sr. Hugo Fernandes, Orador sira no estudante universitariu sira.