Díli, 27 Marsu 2023 – Institutu Nasionál Siénsia no Teknolojia (INCT, sigla iha Português) halo intervista ba kandidatu/a sira ne’ebé admitidu/a iha teste eskrita ne’ebe akontese iha semana kotuk loron segunda-feira, 20 Marsu 2023 ba Vaga Tékniku Espesializadu iha área Enjeñaria Sivil, iha sala enkontru INCT, Balide.
Hafoin liu hosi prosesu lubuk ida, hosi kandidatu ha’at nulu resin ha’at (44) ne’ebe hatama dokumentus hodi kompete ba vaga Tékniku Espesializadu iha área Enjeñaria Sivil. Iha faze dahuluk halo selesaun dokumetus no nain sanulu (10) maka admitidu/a, iha faze daruak halo fali teste eskrita no kandidatu nain tolu (3) maka admitidu/a, iha faze datoluk ohin loron ita halo fali entrevista professional ba kandidatu sira. Tuir planu sei fo sai nia rezultadu iha loron Kuarta-feira, 29 Marsu 2023.
Panelista ka juri sira nebe’e intrevista ba kandidatu sira maka hanesan; Presidente Juri, hanesan mos II Vise Presidente Konsellu Ezekutivu INCT, Dr. Augusto Soares, Membru Juri Dra. Maria Elsa Diogo Correia no Tékniku Enjeñaria Ministeiru Ensinu Superior, Siensia no Kultura (MESSK), Sr. Eng. Valerio S. A. de Oliveira.