Díli, 23 Marsu 2023 – II Vise Konsellu Ezekutivu INCT, Dr. Augusto Soares, partisipa iha Desiminasaun no Lansamentu Livru konaba Estudu Avaliasaun ba Rezultadu Programa FDCH tinan 2015-2020 iha salaun Delta Nova, Comoro.
II Vise Presidente Konsellu Ezekutivu INCT, Dr. Augosto Soares hateten INCT halo koperasaun ho Fundo de Desenvolvimento do Capital Humano (FDCH) iha tinan 2021, INCT nia papel maka oinsa atu promove peskiza, explora no halo desiminasaun. Agora dadauk parte ida ne’ebe INCT halo maka desiminasaun rezultadu peskiza entre INCT ho FDCH. Peskiza ne’ebe ita halo ita lakohi atu rai det maibe tenki iha nia implementasaun hanesan parte ida hosi INCT nia misaun, Ita hotu hatene katak INCT hanesan institusaun autonom ida ne’ebe tutela direita ba Ministeiru Ensinu Superior, Siensia no Kultura (MESSK). Iha tinan 2021 atraves husi FDCH halo koperasaun ho INCT hodi rekrutamentu ba peskizador nain rua Dr. Avonso de Almeida no Dr. Carlos de Deus hodi halo peskiza ne’e, durante tinan ida nia laran. II Vise Presidente ne’e hatutan tan ohin peskizador Dr. Afonso de Almeida hato’o ona nia rezultadu ou rekomendasoens ba liñas ministeriais sira, hosi parte INCT husu katak rezultadu ne’ebe aprezenta ou desiminasaun bele implementa, importante maka rezultadu no rekomendasoen ohin ne’e kondis ho ita nia planu Estratejika Dezenvolvimentu Násional (PEDN) no Objetivu Dezenvolvimentu Sustentavel (ODS). Husi INCT nia parte husu ba mininisteirus no liñas ministerias sira bele tau ona programa ba tinan oin 2024 hodi bele uja rekomendasaun ne’e sai polítika ba dezenvolve rekursu umanu iha área refere. Husi INCT nia parte sei halo fali estudo ida ba impaktu hosi rezultadu ida ne’e, itabot sira utiliza ga lae tanba ita lakoi rezultadu ita desimina tia husi parte relevante la utiliza rezultadu ida ne’e.
Diretór Ezekutivu Fundo de Desenvolvimento do Capital Humano (FDCH), Dr. Cristóvão dos Reis iha nia intervensaun hateten ohin loron FDCH halo aniversáriu FDCH ba dala 12 anos regulamente halo avaliasaun ba fundo dezenvolvimentu kapital umanu kada tinan 5, iha primeiru avaliasaun hahu iha tinan 2012 to’o 2014 no ohin loron ita halo segunda avaliasaun, ofisalmente ita lansamentu ba Livru Estudu Avaliasaun ne’ebe amostra ba progresu servisu no dezafiu FDCH nian hahú hosi tinan 2015-2020 liga ba programa ha’at FDCH nian hanesan; Formasaun Profisionál, Formasaun Téknika, Bolsa Estudu no Tipu formasaun seluk. Diretór Ezekutivu ne’e hatutan tan bazeia ba rezultadu peskiza nian, rekomendasoens lubuk ida mak investigador sira hato’o katak hakarak ba kontinua sira nia estudu tenki ho idade ne’ebe ki’ik para termina sira nia kursu fila mai bele fo kontribuisaun maximu ba ita nia nasaun, se wainhira ita fo bolsa ba idozu sira idade ne’ebe avansadu fila mai sira bele reforma tia. Tan ne’e bazei ba rekomendasoens peskiza nian, FDCH sei banati tuir katak bolsa ba mastreadu idade maximu tinan 35 no ba doutoramentu tinan 40.
Partisipa iha seremonia ne’e hanesan Diretór Nasionál hosi Liña Ministérial no Intstituisaun estadu akreditadu sira no korpu Diplomatiku sira hanesan Embaixadór Brasil ba Timor-Leste, reprezentante Embaixadór Portugal, Adidu edukasaun Indonezia ba Timor-Leste, reprezentante Embaixador Xina, Alumi Bolseiru FDCH, Diretór sira husi liñas ministerial, Reitór no reprezentante reitór hosi Universidade sira.