Díli, 17 Janeiru 2023 – Institutu Nasionál Siênsia no Teknolojia (INCT, sigla iha Português), hala’o sorumutu ho CRA Law Firm Timor-Leste hodi diskute diploma ne’ebé aprovadu hanesan Estatutu INCT no Primeira Alterasaun Depózitu Legál iha Timor-Leste. Reuniaun ne’e prezide hosi I Vise-Prezidente Konsellu Ezekutivu INCT, Dr. Valentim Ximenes iha instalasaun INCT, Balide.
Iha intervensaun, I Vise-Prezidente INCT, Dr. Valentim Ximenes, fó parabéns ba profisionál ne’ebé envolve relativamente ho aprovasaun dokumentu hira ne’e. Nune’e mos, ho forma atu fó seguimentu ba servisu ne’ebé realiza ona iha tinan anterior, konvida hikas fali reprezentante CRA-Timor-Leste, Dr. João Serra no Dr. Zeca Neves hodi elabora Regulamentu Internu no Regulamentu Finanseiru INCT.
Iha biban ne’e mos, Sekretária Ezekutiva INCT, Dra. Maria Elsa Diogo Correia, halo referênsia ho karater urjente ba kriasaun regulamentu finanseiru INCT, ne’ebé tenke iha liña konsiderasaun ba rejime atribuisaun fundu monetáriu, konforme natureza no lokalidade peskiza sientífika.
Partisipa iha enkontru ne’e, Konsellu Ezekutivu INCT, investigador sénior, Dr. Filipe Abraão Couto, asesora Paula Ferreira. No hosi CRA-Timor-Leste mak Dr. João Serra no Dr. Zeca Neves.