Díli, 29 Novembru 2022 – Prezidente Konsellu Ezekutivu Institutu Nasionál Siênsia no Teknolojia (INCT, sigla iha Português), Dr. José Cornélio Guterres, akompaña hosi II Vise-Prezidente Konsellu Ezekutivu INCT, Dr. Augusto Soares hala’o asinatura Memorandu Entendimentu ho Institute of Business (IOB) iha ambito seremonia 15a Graduasaun Institute of Business (IOB) Peridodu 2022 iha sala IOB plaza, Rua Fomento II, Dili.
Objetivu husi asina momerandu entedimentu ne’e hodi estabelese koperasaun iha siénsia no teknolojia liu husi dezenvolve kapasidade rekursu umanu hodi eleva prosesu akadémiku atraves iha área edukasaun no peskiza sientífika.
Programa koperasaun entre INCT no IOB foka liu ba àrea hanesan tuir mai ne’e: (1) Peskiza; (2) Publikasaun Sièntifika (Nasional/Internasional); (3) Formasaun ba dosente-peskizadores sira; (4) Sertifikasaun ba jornal sientífiku; (5) Programa estájiu; (6) Partila informasaun kona-ba prosesu instalasaun ba repositório; (7) Semináriu sira; (8) Mobilidade ba dosente sira; no (9) Konferênsia sira.
Partisipa iha asina momerandu entendimentu ne’e mak Sua Excelensia Ministro Ensino Superior, Siensia no Kultura, Dr. Lounginhos dos Santos, Vise Reitor Asunto Pos-Graduasaun no Peskiza, Dr. Afonso de Almeida, Depudadu Komisaun G, Sra. Isabel Ximenes no Reprezentante CCITL.