Díli, 30 Novembru 2022 – Instituto Nacional de Ciências e Tecnologia (INCT) konvida peskizador sira hodi aprezenta rezultadu final peskiza sientífika INCT iha tinan fiskal 2022, husi peskizador sanulu resin rua (12) husi varias instituisoens supreriores iha Timor-Leste, nebe’e sai nudar autores ba projetu peskiza ne’ebe finansia husi INCT.
Objetivu husi atividade ne’e atu elabora relatoriu peskiza sientifika lao tuir giaun INCT nian no dezenvolve relatoriu tuir metodu peskiza kualitativu, kuantitativu no mixed methods.
Presidente Konsellu Ezekutivu INCT, Dr. Jose Cornelio Guterres iha nia intervensaun hateten agradese ba koloaborasaun no prezensa husi peskizadór sira hotu iha ámbitu aprezentasaun relatoriu final peskiza sientífika INCT nian. Objetivu husi aprezentasaun final ne’e hanesan faze importante ida ne’ebé realiza husi INCT hodi hare no akompaña progresu aprzentasaun final kada projetu peskiza sientífika ne’ebe finansia husi INCT iha tinan fiskal 2022. Iha loron 3 nia laran sei iha aprezentasaun final kada área sira hanesan siénsia ezata no siénsia naturais, siénsia umana no siénsia sosiais, teknolojia no inovasaun tuir rekomendasaun hirak ne’ebé fasilita husi INCT hafoin aprezentasaun preliminariu.
Peskizador/a sira ne’ebe aprezenta iha atividade nee mak hanesan: Dr.Ir. Brigida Antónia Correia, M.Agri.,IPM, Doutor Acácio Cardoso Amaral, Doutor Hélio Brites da Silva, Doutor João Muni, Doutor Vicente Soares Faria, Doutora Carla Alexandre de J. da Costa, Dr. Lúcio Ximenes SE,MM, Dra Ir. Yuliaty M. Agr,M.Phi,I PM, Doutor Augusto da Costa, SS,M.Theo.,M.A.M.Pd, Doutor Edmundo Viegas, Dr. Aurelio Guterres no Dr. Nilton Diamantino Paiva Mau.
Aprezentasaun final ne’e realiza durante loron tolu (3) iha sala enkontru INCT no akompaña husi Presidente Konsellu Ezekutivu INCT, Dr. Jose Cornelio Guterres, I Vise Presidente Konsellu Ezekutivu INCT, Dr. Valentim Ximenes, II Presidente Konsellu Ezekutivu INCT, Dr. Augusto Soares no Chefes Departamentus sira.