Díli, 25 Abril 2022 – Konsellu Ezekutivu Institutu Nasionál Siênsia no Teknolojia (INCT, sigla iha Português) simu Vise-Reitor Universidade Wijaya Kusuma Surabaya (UWKS), Indonesia, Dr. Ir. Hj. Endang Noerhartati no ekipa ne’e ho objetivu atu halo kooperasaun entre INCT ho Universidade Wijaya Kusuma Surabaya (UWKS) iha área investigasaun sientífiku. Enkontru ne’e prezide hosi Prezidente Ezekutivu INCT, Dr. José Cornélio Guterres, iha instalasaun Balide.
Iha intervensaun, Prezidente Konsellu Ezekutivu INCT, informa katak, Institutu nia misaun atu promove siênsia, teknolojia no inovasaun iha Timor-Leste, liu-hosi peskiza bázika no aplikada. Iha tempu ne’ebé hanesan, nia mos relata katak, INCT agora daudaun foka ba área tematika lima (5) hanesan Siênsia, Teknolojia no Inovasaun; Edukasaun, Siênsia Umana no Inkluzaun Sosial; Saúde no Bem Estar; Ekonomia, Agrikultura, Industria no Turizmu; Meiu Ambiente, Biodiversidade no Mudansa Klimátika.
Relativamente ho kooperasaun, Prezidente apela, atu halo kooperasaun ne’ebé mak di’ak, ita tenke hahú ho asinatura Memorandum of understanding (MoU). Ho nune’e, parte rua ne’e deside halo kedas Momerandum of Agreement (MoA).
Marka prezensa iha reunaiun ne’e I Vise-Prezidente Konsellu Ezekutivu INCT, Dr. Valentim Ximenes, II Vise-Prezidente Konsellu Ezekutivu INCT, Dr. Augusto Soares, dr. Kartika Ishartadiati, Dr. Era Hari Mudji R no Dr. Antonino do Karmo.