Baucau, 21 Juñu 2022 – II Vise-Prezidente Konsellu Ezekutivu Institutu Nasionál Siênsia no Teknolojia (INCT), Dr. Augusto Soares ho ekipa hala’o sorumutu ho Prezidente Autoridade Munisípiu Baucau, Sr. Olivio Freitas no estrutura hodi distribui rezultadu investigasaun sientífika tinan fiskal 2021 no asina Memorandu Entendimentu entre parte rua, iha sala enkontru Administrasaun Munisípiu Baucau.
II Vise-Prezidente Ezekutivu INCT, Dr. Augusto Soares iha nia intervensaun hateten, ohin loron ami mai distribui rezultadu investigasaun sientífika mai Prezidente Autoridade Munisipiu no ekipa atu iha tinan oin bele tau iha planu hodi formula polítika sira iha área ekonomia no área agrikultura. Nia mos hatutan, objetivu husi asina memorandu entendimentu ne’e oinsa hodi tulun munisipiu sira liu-liu iha área peskiza.
Prezidente Autoridade Munisípiu Baucau, Sr. Olivio Freitas iha nia intervensaun hateten, haksolok ho prezensa INCT nian hodi apoiu Munisipiu Baucau iha área peskiza, aleinde ne’e nia mos sujere ba INCT hodi halo peskiza iha área priodade sira hanesan turizmu no agrikultura.
Iha fatin ne’ebé hanesan, Dra. Lindalva aprezenta mos peskiza ne’ebé sei hala’o iha munispiu Baucua, inklui Bobonaro no Manufahi kona-ba prevalensia lumbriga ba karau Timor. Nune’e iha Baucau, sei foti sampel iha suku Vemase no Osoala.
Partisipa iha enkontru ne’e funsionáriu Administrasaun Munisípiu Baucau, Investigadora sira, Xefe Departamentu Étika INCT, Sra. Jacinta Guterres no tékniku sira.