Díli, 12 Abril 2022 – II Vise-Prezidente Konsellu Ezekutivu Institutu Nasionál Siênsia no Teknolojia (INCT), Dr. Augusto Soares, partisipa iha Aprezentasaun Final Rezultadu Avaliasaun Programa Fundu Dezenvolvimentu Kapitál Umanu (FDCH, sigla iha Português) 2015-2020, ne’ebé kondús hosi Investigador Dr. Afonso de Almeida no Dr. Carlos de Deus. Aprezentasaun ne’e prezide hosi Diretor Ezekutivu FDCH, Dr. Cristovão Reis , iha instalasaun FDCH.
Diretor Ezekutivu iha ninia intervensaun, afirma katak, aprezentasaun aezultadu avaliasaun Programa FDCH ne’e ho objetivu ida atu hadi’a servisu instituisaun ne’e nian, ligadu ho programa haat (4) ne’ebé sira finansia hanesan Formasaun Profisional, Formasaun Tékniku, Bolsa Estudu no Formasaun Seluk.
Programa Avaliasaun Rezultadu FDCH 2015-2020 ne’e realiza iha fulan Outubru to’o Novembru tinan 2021 hosi INCT, nu’udar Instituisaun ida ne’ebé ho misaun atu promove Investigasaun sientífika iha Timor-Leste, no totalmente finansia hosi FDCH.
Aprezentasaun ne’e partisipa hosi dirijenti FDCH, tékniku no funsionariu sira.