Díli, 11 Abril 2022 – Kandidatu selesionadu ba segunda faze ba atribuisaun fundu investigasaun sientífika Institutu Nasionál Siênsia no Teknolojia (INCT, sigla iha Português) tinan fiskal 2022 halo aprezentasaun ba proposta investigasaun iha instalasaun INCT, Balide.
Prezidente Konsellu Ezekutivu INCT, Dr. José Cornélio Guterres, iha nia intervensaun, afirma katak, konkursu ba atribuisaun fundu ba projetu investigasaun sientífika ba tinan fiskal 2022 ho misaun ida atu promove siénsia no teknolojia iha Timor-Leste iha área: Inovasaun, Teknolojia no Infraestrutura; Edukasaun, Dezenvolvimentu Umanu no Inkluzaun Sosial; Ekonomia, Agrikultura, Turizmu no Industria; ikus liu, Meiu Ambiente, Biodiversidade no Alterasaun klimátika. Prezidente mos anunsia katak investigasaun sientífika ne’e nia alvu mak dosente investigador sira hosi Universidade Públiku no Privada nomós Investigador sira hosi sentru peskiza iha Timor-Leste. Iha tinan ne’e, total projetu investigasaun iha área temátika lima (5), liña investigasaun sanulu (10), ho total projetu estudu rua nulu resin haat (23) ne’ebé ita anunsia ona.
Iha loron 9, fulan Fevereiru tinan 2022, INCT loke konkursu no simu submisaun proposta hamutuk haat nulu resin rua (42). Hafoin halo avaliasaun kurikular iha faze dahuluk no respetiva selesaun ba dokumentu proposta investigasaun, aprova proposta sanulu resin ualu (18) no rua nulu resin hat (24) mak la aprovadu.
Avaliador sira selesionadu bazeia ba méritu kurikular, esperiênsia akadémika. Ho nune’e, avaliador ba projetu investigasaun sientífika INCT mak Dr. Benjamin Cortereal, Dr. Francisco Miguel Martins, Dr. Helio Augusto da C, X, Mauquei, Dr. Fernando Hanjam, Dr. Claudio N. Nabais, Dr. Nolasco da Costa, Dr. Azevedo L. da Costa Marçal, Dr. Nelson Salsinha, Dr. Cancio Monteiro, Dr. Junior Raimundo da Cruz, Dr. Afonso de Almeida, Dr. Armando B. Afonso no Dr. Carlito Malicode.
Investigador sanulu resin ualu (18) apuradu ba faze daruak mak Dr. Aurélio Guterres, Dr. Edmundo Viegas, Dr. Nílton Mau, Dra. Teresa Freitas Belo, Dra. Adérita Takeleb dos Santos, Dra. Adérita Takeleb dos Santos, Dr. Domingos Maria Barreto, Dra. Brígida A. Correia, Dr. Augusto da Costa, João Boavida da cruz, Dr. João Muni, Dr. Mateus Ximenes, Dr. Lúcio Ximenes, Dra. Yualiaty, Dr. Vicente Soares Faria, Dr. Acácio Cardoso Amaral, Dra. Delia Ximenes A. Belo, Dr. Hélio Brites no Dr. Alfredo Santos.