Díli, 23 Marsu 2022 – Institutu Nasionál Siênsia no Teknolojia (INCT, sigla iha Português), hala’o sorumutu ho Estagiadu no Orientador hosi Institute of Business (IOB) ne’ebé prezide hosi Prezidente Konsellu Ezekutivu INCT, Dr. José Cornélio Guterres, iha sala enkontru INCT, Balide.
Objetivu husi sorumutu ne’e estajiaria sira, Estela Maria Lidia A. Lelan, Arlinda Francisca da Conceição no Carmelita Pereira atu hato’o agradesimentu ba INCT tanba bele estajiu ona iha Instituisaun refere durante fulan ida
Prezidente Konsellu Ezekutivu INCT, Dr. José Cornélio Guterres iha nia intervensaun hatete durante fulan ida ne’e, estajiária sira hatudu disiplina di’ak iha ambiente servisu no iha relasaun di’ak ho funsionariu sira no espera sira bele aprende buat ruma.
Reprezentante estajiada Arlinda Francisca da Conceição hatete ami agradese ba Prezidente INCT bele fó ona espasu no estajiu durante fulan ida ami aprende buat barak hosi fatin ida ne’e, nune’e matenek ne’ebé ami hetan, espera ida ne’e bele sai bukae ba iha futuru. Orientador Domingos dos Santos, hatete, hodi estrutura IOB agradese ba estrutura INCT tanba simu ona estudante sira hodi halo estajiu iha fatin ne’e.
Partisipa iha sorumutu ne’e I Vise-Prezidente Konsellu Ezekutivu INCT, Dr. Valentim Ximenes, II Vise-Prezidente Konsellu Ezekutivu INCT, Dr. Augusto Soares, Sekretária Ezekutiva, Dra. Maria Elsa Diogo Correia, Xefe Divizaun sira no Avaliadora IOB, Sra. Liliana de Jesus.