Díli, 7 Marsu 2022 – Institutu Nasionál Siênsia no Teknolojia (INCT, sigla iha Português) hala’o sorumutu entre dirijente no estrutura INCT sira iha sala instalasaun INCT, Balide ho Objetivu hodi apresenta Esbosu Planu Estratéjiku INCT 2030 hosi Investigador Senior Internasionál INCT, Dr. Felipe Abraão Martins do Couto. Apresenta estrutura planu estratéjiku ne’ebé envolve Vizaun, Misaun, Prinsipiu no Valor sira, Diagnostiku Estratéjiku – oportunidade no dezafiu sira, Vizaun Estratejiku INCT, Liña orientasaun estratejika, Investigasaun, Akreditisaun, Publikasaun, kriasaun kritériu kualidade no programa valorizasaun profisional ba rekursu umanu instituisaun, no portu sira seluk.
Partisipa iha reuniaun ne’e I no II Vise-Prezidente Konsellu Ezekutivu INCT, Dr. Valentim Ximenes no Dr. Augusto Soares, Sekretária Ezekutiva INCT, Dra. Maria Elsa Diogo Correia, Xefe Departamentu no Xefe Divizaun sira.