Díli, 22 Janeiru 2022 – Institutu Nasional Siênsia no Teknolojia (INCT, sigla iha Português), hala’o sorumutu internu ho estrutura INCT, ne’ebé prezide hosi Prezidente Konsellu Ezekutivu INCT, Dr. José Cornélio Guterres, iha salaun enkontru INCT, Balide.
Reuniaun ne’e ko’alia kona-ba pontu rua: primeiru halo aprezentasaun liña investigasaun INCT ba tinan fiskal 2022, hosi Dr. Filipe Abraão Couto; segundu pontu aprezentasaun hosi Dra. Paula Ferreira kona-ba implementasaun Standard Operating Procedure (SOP) Instituisaun nian.
Objetivu husi enkontru ne’e hodi aprezenta Projetu Investigasaun INCT tinan fiskal 2022 hosi Dr. Felipe Couto, no halo mos aprezentasaun hosi tékniku INCT, Dra. Paula Ferreira kona-ba Standar Operasional Prosedur (S.O.P).
I Vise-Preziente Konsellu Ezekutivu INCT, Dr. Valentim Ximenes, iha ninia intervensaun hatete, SOP ne’e importante tebes iha Institusaun ida, hanesan matadalan hodi guia servisu administrasaun ne’ebé di’ak. Relativamente projetu peskiza INCT, aprova ho susesu, sei halo anunsiu iha fulan fevereiru tinan ida ne’e tuir organograma Instituto nian.
Partisipa iha enkontru ne’e, II Vise-Prezidente Konsellu Ezekutivu INCT, Dr. Augusto Soares, xefe departamentu no xefe divizaun sira no funsionáriu INCT rasik.