Díli, 18 Janeiru 2022 – Institutu Nasionál Siênsia no Teknolojia (INCT, sigla iha Português) realiza sorumutu virtual liu-hosi plataforma Zoom Meeting ho peritu internasionál hodi ko’alia pontu situasaun kona-ba Estudu Viabilidade Repozitóriu Sientífiku Dijitál, ne’ebé prezide hosi Xefe Painel, Dr. Dionísio Soares Babo, akompaña hosi Prezidente Konsellu Ezekutivu INCT, Dr. José Cornélio Guterres, iha sala enkontru INCT, Balide.
Objetivu hosi sorumutu ne’e atu partilla informasaun fornesida hosi stakeholders (parte envolvida no interesada iha prosesu hotu-hotu) ne’eb’e responde ba solisitasaun hosi Expert panel ho forma atu identifica vantajen no desvantajen ba kriasaun repozitóriu sientífika dijital ba Timor-Leste, ba universidade sira, ba profesor no estudante sira no ba komunidade sientífika no akadémika jerál.
Peritu ba Estudu Viabilidade Repozitóriu Dijitál mai hosi Europa no Kanada, OACPS-PSF & Science Tecnology Innovation (STI), Dra. Paula Morais, Dr. Ron Dekker no Amitav Rath no respondente sira mak hanesan Prof. Dr. João Martins (Reitor UNTL), Prof. Dr. Pedro Ximenes (Reitor IOB), Sr. Fausto no Sra. Elisabeth (TIC Timor), Sr. Octaviano (IPG), Sr. Natalio Soares (ICT-TL), Sra. Joana (Telkomcel), Estaqui Saldanha (Timor Telekom) no Sancho Xavier (Fundasaun Mahein).