Díli, 9 Janeiru 2021 – Institutu Nasionál Siênsia no Teknolojia (INCT, sigla iha Português), realiza enkontru entre investigador no Mentor bolsa peskiza INCT nian. Enkontru ne’ebé hala’o iha instalasaun INCT, Balide prezide hosi Prezidente Konsellu Ezekutivu INCT, Dr. José Cornélio Guterres.
Objetivu hosi enkontru ne’e deskute kona-ba Formatu Artigu Sientífiku, no eventual Publikasaun Artigu Sientífiku hosi traballu sira ne’eb’e realiza ona nomós termu submisaun Relatóriu Finansa Datolu nian hosi investigador sira.
Prezidenti iha ninia intervensaun, afirma rezultadu hosi investigasaun tinan fiskal 2021 ne’e di’ak ona, tanba servisu investigador no mentor sira hala’o servisu suplementar ne’eb’e ho objetivu atu hasa’e kualidade investigasaun, maibe, nia mos refere sei hasoru dezafiu balun hanesan kestaun tempu.
Segundu Vise-Prezidente Konsellu Ezekutivu INCT, Dr. Augusto Soares informa mos ba investigador sira atu submete relatóriu finansa datolu nian, hamutuk ho dokumentus ezekusaun orsamentu, ho nune’e, se posível aprezenta relatóriu sira ligadu ho programa sira iha reunian Konsellu Fiscal INCT nian tuir mai.
Partisipa iha enkontru ne’e, segundu Vise-Prezidente Konsellu Ezekutivu INCT, Dr. Augusto da C. Soares, Xefe Departamentu Teknolojia no Inovasaun (DTI), Sra. Jesuina Inês do R. De Sousa no Mentor sira.