Díli, 21 Dezembru 2021 – Prezidente Konsellu Ezekutivu Institutu Nasionál Siênsia no Teknolojia (INCT, sigla iha Português), Dr. José Cornélio Guterres partisipa iha Serimónia Lansamentu Ofisial ba Projetu Sidade Universitáriu Aileu, iha Suku Lauhisi, Munisipiu Aileu.
Ho prezensa hosi Exma. Vise Primeira-Ministra (VPM), Exma. Ministra Soliedariedade Sosial no Inkluzaun (MSSI), nomós distintu mebru Governo, kabe ba Sua Excelência Primeiru-Ministru (PM) Taur Matan Ruak, lansa ofisialmente no simbolikamente fatuk dahuluk ba futuru instalasaun projetu sidade universitária Aileu.
Projetu Sidade Universitária Aileu pretende fornese konisaun estudu ba joven estudante timorense; pretende fornese edukasaun ho kualidade ba joven estudante timorense iha área prioritária definida determina tuir polítika Ensinu superior nian ne’ebé aprova ona iha Konsellu Ministru tuir nesesidade dezenvolvimentu nasional; ikus liu, pretende desentraliza Ensinu Superior. Konstrusaun Campus universitáriu konstitui hanesan marka istóriku foun ba foinsa’e timor oan sira.
Serimónia ne’ebé organiza hosi Ministériu Ensino Superior, Siensia no Kultura (MESSK) ne’e partisipa hosi Reprezentante Parlamentu Nasional, Komandante Polisia Nasionál Timor-Leste, Adminsitrador Munisipiu no Autoridade lokal hosi munisipiu Aileu.