Díli, 15 Dezembru 2021 – Institutu Nasionál Siênsia no Teknolojia (INCT, sigla iha Português) realiza enkontru Konsellu Sientífiku ne’ebé prezide hosi Prezidente Konsellu Sientífiku Dra. Ana Isabel de Fatíma Sousa Soares, iha sala reuniaun Ministériu Ensinu Superior, Siênsia no Kultura (MESSK) Timor-Leste.
Objetivu husi enkontru ne’e atu aprezenta Padraun Étika Peskiza ba INCT-Timor-Leste hosi Xefe Departamentu Étika INCT, Dra. Jacinta Guterres ba iha Prezidente no Membru Konsellu Sientífiku sira hotu hodi halo analiza, apresiasaun, fornese rekomendasaun antes halo lansamentu ba manual Padraun Étika Investigasaun nian.
Antes ne’e INCT halo ona kolaborasaun ho UNESCO Jakarta Indonesia hodi tulun suporta INCT atu elabora Padraun Etika Peskiza ba INCT-Timor-Leste.
Partisipa iha enkontru ne’e Prezidente Konsellu Ezekutivu, Dr. José Cornélio Guterres, Vise Prezidente I no II Konsellu Ezekutivu INCT, Dr. Valentim Ximenes no Dr. Augusto Soares, Membru Konsellu Sientífiku, Dr. Nilton Diamantino Paiva Mau, Dr. Leonel da Costa Xavier, Dra. Carla A. J. da Costa no Chefe Departamentu Étika INCT, Sra, Jacinta do Santos Guterres.