Díli, 15 Setembru 2021 – Vise-Prezidenti I no II Konsellu Ezekutivu (INCT) Institutu Nasional Siênsia no Teknolojia (INCT, sigla iha Português) hala’o sorumutu ho peskizador Dr. Afonso de Almeida no Dr. Carlos da C. de Deus iha sala reuniaun INCT, Balide.
Objetivu husi enkontru ne’e hodi asina kontratu atu hala’o avaliasaun konaba prestasaun servisu rezultadu programa Fundu Dezenvolvimentu Kapital Umanu (FDCH, sigla iha Português) entre tinan 2015 to’o 2020. Tuir kontratu, peskizador sira sei hahú fó formasaun ba enumerador sira hamutuk haat nulu (40) konaba métodu levantamentu dadus no entry dadus.
Antes ne’e INCT asina ona memorandu entendimentu ho FDCH ho objetivu atu promove no dezenvolve kooperasaun iha âmbitu atividade peskiza sira ne’ebe relasiona ho dezenvolvimentu Rekursus Umanus, Siênsia, Teknolojia no Inovasaun.