Díli, 20 Agusto 2021 – Vise-Prezidenti II Konsellu Ezekutivu INCT, Dr. Augusto Soares akompaña husi Xefe Departamentu Teknolojia no Inovasaun, Sra. Jesuina de Sousa halo monitorizasaun ba etapa daruak peskiza sientifika husi Dr. Graciano S. Gomes konaba “Efeito da Utilização de Subprodutos Agrícolas Fermentada em Ração para Melhorar o Desempenho Zootécnico e a Qualidade de Caraça de Suínos”, iha Fakuldade Agrikultura, Hera.
Objetivu husi monitorizasaun ne’e atu observa diretamente prosesu peskiza esperimental ne’ebe halo husi peskizador liu-liu iha prosesu fahi nia hahan hanesan batar rahun, hare u’ut, tofu/ampas tahu, marungi no forekeli. “Objetivu husi ida ne’e mak atu habokur fahi liliu iha kualidade isin, fortalese nia muskulu, kulit no ninia metabolizmu no hamenus kolestrol iha animal ne’e rasik”, peskizador ne’e esplika.
“Hahan fahi nian ita halo sai ona, ita fo han depende ba konsumu materseta, pur ejemplu ami uja pursentun 3% bain bain husi materseta ne’e depois konverte fila fali ba materia freska ne’ebe nia presiza, entaun ita prepara tuir ida ne’e”, nia termina.