Díli, 17 Agostu 2021 – Ekipa Fundu Dezenvolvimentu Kapital Humanu (FDCH, sigla iha Português) halo enkontru ho Ekipa Institutu Nasional Siênsia no Teknolojia (INCT, sigla iha Português) iha sala enkontru INCT, Balide.
Iha reuniaun ne’e, ekipa INCT ne’ebe lidera husi Vise-Prezidenti II Konsellu Ezekutivu INCT, Dr. Augusto Soares halo aprezentasaun kona ba progresu analiza dadus benefisiáriu sira ne’ebe finansia direta husi FDCH husi tinan 2015 to’o 2020 ba ekipa FDCH. Halo mos apresentasaun konaba planu Orsamentu, Kalendariu, Kriteriu no Amostra ne’ebe identifika ona iha peskiza ne’e.
Iha enkontru ne’e marka prezensa mos husi Vise-Prezidenti I Konsellu Ezekutivu INCT, Dr. Valentim Ximenes no Xefe Departamentu INCT sira.