Manatuto, 11 Agusto 2021 – Xefe Departamentu Étika Institutu Nasional Siênsia no Teknolojia (INCT, sigla iha Português) Sra. Jacinta dos Santos Guterres hamutuk ho ekipa halo monitorizasaun ba peskiza husi IOB munisipiu Manatutu.
Objetivu husi monitorizasaun ne’e atu observa direta peskiza sientífka ne’ebe hala’o husi peskizadora Marta Guterres konaba “Analiza Dezenvolvimentu Jeneru no Prátika Kultura hodi Kria Partisipasaun Feto iha Vida Ekonomia” iha terenu atu nune’e INCT bele garante kualidade peskiza ne’e rasik.
Marta Guterres esplika katak “iha parte kultura nian ami sei ko’alia konaba Paternial no Maternial, maibe iha munisipiu Manatutu sira adopta liu sistema maternial, katak feto mak iha direitu liu hodi lidera sira nia kultura. Iha Behau no Ailili ami entervista ho feto sira ne’ebe halo negosiu ki’ik. Alvu husi peskiza nemak grupu feto sira, Autoridade Lokal, Sosiedade Sivil hanesan Rede Feto, CEPAD, FOKUPERS no Sekretaria Estadu ba Igualdade no Inkluzaun”, nia termina.