Dili, 30 Abril 2021, Instituto Nasional Siensia no Teknologia (INCT), realiza sorumutuk Konsellu Sientífiku INCT ba dala tolu iha sala reniaun INCT, nebe’e mak preside husi Presidente Konsellu Sientífiku Dra. Ana Isabel de Fatíma Sousa Soares liu husi virtual – Zoom meeting.Objetivu prinsipal husi sorumutuk ne’e atu deskute no apresiasaun ba planu annual 2022.
Iha sorumutuk ne’e koalia konaba Aprovasaun ba Ajenda, Diversus no Aprezentasaun Planu Asaun Annual Tinan Fiskal 2022 nebe’e aprezenta husi Dr. Afonso de Almeida, depois husi sorumutuk ne’e sei tau hanoin lubuk ida husi Membru Konsellu Sientífiku no halo apresiasaun ba Planu Asaun Annual Tinan Fiskal 2022 antes lori ba aprezenta iha Konsellu Jeral INCT.
Sorumutuk ne’e hetan partisipasaun maximu husi Vise Presidente II Konsellu Exekutivu INCT Dr. Augusto da Conceição Soares, Membru Konsellu Sientífiku, Dr. Afonso de Almeida, Dr. Benjamin de Araújo Corte-Real, Dr. Nilton Diamantino Paiva Mau, Dra, Carla A. J. da Costa, Dr. João Soares Martins, Assessora INCT no Fungsionariu Tekniku INCT.