Instituto Nasional de Ciência e Tecnologia (INCT) iha tinan 2021 loke Konkursu Peskiza Sientifíka ba professores investigadores no investigadores husi Instituisaun Ensinu Superior publiku no privadu, investigadores husi Sentru Peskiza nasional no individual sira ne’ebe interresadu atu submete sira nia proposta peskiza sientifíka iha área ne’ebe konsideradu essensial ba desenvolvimentu ita nia nasaun. Projetu peskiza sientifíka ne’e sei finansia husi INCT bazeia ba importansia, originalidade ideia nomos relevansia husi estudu hó nesesidade estadu Timor-Leste nian. Área prioritariu Peskiza Sientifíka Tinan 2021, maka hanesan tuir mai ne’e:
- Erradicar a fome e garantir a segurança alimentar e nutricional (Halakon hamlaha no garante seguransa alimentasaun no nutrisional);
- Prevenir e controlar doenças e garantir o bem-estar (Prevene no kontrola moras no garante bem-estar);
- Comunicação (Física e intelectual mobilidade); Komunikasaun (Fisiku no mobilidade intelektual);
- Protejer o nosso espaço (Proteje Ita nia espasu);
- Viver Juntos Construir a Sociedade (Moris hamutuk atu konstrui sosiedade);
- Criar riqueza (Kria rikeza).
Submisaun proposta peskiza tenki bazeia ba kriterius no guiaun neebe estabelese ona husi INCT. Data submisaun sei hahu husi loron 15 – 26 Marsu 2021, loron servisu hahu husi tuku 09 – 12h no tuku 14h – 17.30m.
Detalhus konaba deskrisaun area prioritaria (Termu Referensia-ToR ba area prioritaria), Guiaun submisasun proposta peskiza no kriterius sira seluk bele klik iha link, ou bele mos mai hare iha kuadru avisu INCT, iha Avenida de Balide (Resintu INFORDEPE).
LINK.