Dili, 28 Setembro 2020, Instituto Nasional Siensia no Teknologia realiza workshop nasional ida iha ambito Aprezentasaun Ezbosu Manual Operasional ba Komite Etika Peskiza no Kode Konduta Peskiza, nebe halao iha sala enkontru Ministerio Ensino Superior, Siensia no Kultura (MESSK).Objetivu hosi workshop ne’e maka; a) Halo konsultasaun ho linha Ministeriais, Universidade, Instituisaun, Organizasaun Non-Governmental hodi reforsa manual operasionais no kode konduta ba komite etika peskiza hodi dezenvolve prosesu servisu avalia nebe’e mak submete ba iha INCT, b) Atu hetan informasaun ou input no konhesimentu hosi partisipante sira no, c) Finaliza manual operasional étika peskiza no kode konduta peskiza INCT.Iha workshop ne’e abertura hosi Presidente Konsellu Exekutivo INCT, Dr. Jose Cornelio Guterres hateten peskiza hotu-hotu liga ba serias umanu entaun persija hare mos etika ba peskiza, INCT nudar instituto publiko ida iha nia autoridade hakarak hamosu kode konduta ba peskiza para iha futuro bele regula peskizador sira no informante liliu ba publikasoens sira nebe’e persija respeita tuir norma etika peskiza ninian. Workshop ne’e fahe ba sesaun rua, ba aprezentasaun; 1) Aprezentasaun Kode Konduta ba Peskiza, aprezenta hosi Asessora Juridiko INCT, Sra. Paula Maria Romaria G. Ferreira no, 2) Aprezentasaun Ezbosu Manual Operasional ba Komite Étika Peskiza, aprezenta hosi Chefe Departameto Etika INCT, Sra. Jacinta dos Santos Guterres no Iha aprezentasaun refere modera hosi Vise Presidente INCT, Dr. Afonso de Almeida.Workshop ne’e hetan partisipa maximu hosi Linhas Ministeriais, Instituisaun Ensinu Superior, Grupu Sosiedade Sivil, Panel Juri Peskiza INCT no Membru Doutoradus sira.