Dili, 8 Jullu 2020, Presidente Konsellu Executivo Instituto Nasional de Ciências e Tecnologia (INCT), Dr. Jose Cornelio Guterres akompanha husi Chefe Departamento Etika, Sra. Jacinta dos S. Guterres partisipa iha enkontru dahuluk ba preparasaun Loron Nasional Ensino Superior nomos Loron Mundial ba Siensia nebe’e halao iha sala enkontru Ministerio do Ensino Superior, Ciencia e Cultura (MESCC).Objetivu husi enkontru ne’e, atu forma strutura komisaun ida para hanoin hamutuk hodi organiza atividade iha selebrasaun loron Nasional Ensino Superior nomos Loron Mundial ba Siensia nebe’e sei monu iha 17 de Novembro de 2020. Enkontru ne’e rasik lidera husi Diretora Jeral Ensinu Superior no Siensia Sra. Maria Filomena Lay.Iha enkontru ne’e Presidente Konsellu Exekutivo INCT hato’o husi parte INCT nian sei prepara atividade rua hanesan Talk Show nomos seminariu maibe atividade hirak ne’e sei tentativa hela.Iha enkontru ne’e desidi ona Presidente Komisaun Organizadora ba selebrasaun loron Nasional Ensino Superior nomos Loron Mundial ba Siensia maka Diretor Executivo ANAAA, Dr. Edmundo Viegas, Vise I Diretora Executiva FDCH, Sra. Leila M. L. Carceres dos Santos, Vise II Direitur Jeral SEAK, Secretariado Sra. Jacinta dos S. Guterres (INCT) no Francisco Barreto (UNESCO).